Kundin Kannywood

Zainab Indomie ta bayyana irin alakar dake tsakaninta da Adam A Zango

Zainab Indomie fitattar jarumar Kannywood wadda yanzu haka ta sanar da dawowarta harkokin shirin kwaikwayo na masana’antar Kannywood, kwanan nan tayi hira da wata jarida inda ta bayyana irin dangantakar dake tsakaninta da Adam A Zango. Ta bayyana cewa Adam A Zango shine ubangidanta ne kuma zata iya kiranshi danuwa, amman babu zancen soyayya tsakaninsu.

Zainab Indomie ta kara da cewa:

“Zango ya na taimaka min sosai, musamman don ganin na cimma nasara a wannan sana’a”.

NAIJ.com ta samu cewa wannan dai na zuwa ne a lokacin da ake ta raɗe-radin cewa jaruman suna shirin yin aure ne sakamakon soyayyar dake tsakaninsu musamman ma biyo bayan Adam A Zango din ya saki matarshi yar Kamaru.

Ita dai jaruma Zainab Indomie, kamar yadda masoya da masu sha’awar harkokin Hausa film suka fi sanin ta, tauraruwar ta ta haska sosai tare da yin fice a tsakanin abokan sana’arta a shekarun baya musamman sakamakon irin rawar da ta taka a wasu manyan faifayen shirin kwaikwayo na Kannywood.

Haka zalika jarumar ta lashe kambun kyaututtuka da dama a lokacin tare kuma da fitowa a cikin fitattun faifaye da dama da sunka hada da “Garinmu Da Zafi, Ali, Wali Jam” da dai sauran su kafin daga bisani ta ɗan dakata.

Tags

DanZubair

I am Abdul-Raheem Zubair by name, Founder- Operator at GobirMob.com. My hobbies are reading, travelling and discovering.

Leave a Reply

Your email address will not be published. Required fields are marked *

Close

Adblock Detected

Please consider supporting us by disabling your ad blocker