Tarihi da Rayuwar Margyayi Dr. Yusuf Maitama Sule, Danmasanin Kano

0

An haifi Yusuf Maitama Sule Danmasanin Kano a Shekarar 1929, wato kusan shekaru 88 da sunka gabata a unguwar Yola, cikin Birnin Kano. Maitama shi ne na ukku a jerin yan gidansu, Rabi, wadda ake kiraya Yaya ta Zagi da Maimuna wadda ita kuma ake kiraya da Yaya ta Bichi.

An sa mai suna Yusuf, saboda sunan Mahaifin Madakin Kano Mahmudu, shi Madaki yana kiran shi Abbana. Sunan Maitama kuma an sa mai shi ne saboda Galadiman Kano Yusuf, saboda an yi amfani da makamai sosai lokacin yakin basasar Kano. Saboda haka har akan yima duk wani mai suna Yusuf lakabi da Maitama.

Madakin Kano ya yi ma Mahaifin Maitama, Abba Sule Danmuri, mai kula da dukkan al’amuranshi na gida da kula da Dawakai. Maitama, yana dan shekaru 4 mahaifiyarshi Hauwa, wadda ake kira ‘Yarkayi ta rasu. Ita Allah ya yi ta ne macce mai ban dariya, mai raha, ba ta fushi, shi yassa duk bikin da ya tashi ita ake kira ta yi ta magana a gidan biki, halinta da iya maganarta Maitama ya gado.

Madakin Kano ya sanya Maitama a makarantar elementari ta Shahuci a cikin watan Janairu, 1937, dama kafin a kai su makarantar boko, suna yin karatun Kur’ani a gida. A ka’ida shekaru hudu ya kamata a yi a elementari, amma saboda hazakar da Maitama ya nuna shekaru biyu kawai, yassa aka ba shi damar daukar jarabawar zuwa gaba. A wannan lokacin ne Maitama ya fuskanci kalubalen da bai taba fuskanta ba a rayuwatai.

Dan a wannan gabar ne Madaki Mahmudu, mai daukar dawainiyarshi a rayuwa ya rasu cikin shekarar 1939. Aka bar kujerar Madaki, tsawon shekaru biyu, ba’a nada kowa ba, har sai a shekarar 1941.

Gaba daya dawainiyyar Maitama ta koma kan Mahaifinshi Abba Sule, wanda a wancan lokacin kuma ba shi da karfin da zai iya daukarta. Sai da ta kai Abba Sule, ya saida duk wani abunda ya mallaka har da suturanshi na sawa dan ya dauki nauyin diyanshi, a lokuta da dama haka suke kwana da yunwa. Ranar da suka samu dan abincin dare gasasshen rogo ne za su ci su kwanta.

A karshe Maitama ya shiga makarantar Middle a Kano, a wannan datsen ne aka kai matsayin da Maitama ko suturar da zai sa ba shi da ita, kayan makaranta kawai sune kayanshi na sawa.

A shekarar 1943 Maitama ya shiga kwalejin Kaduna, yana dan shekaru 13. Maitama, ya kammala karatunshi na kwaleji cikin shekarar 1948, ya kuma kama aikin Malanta, a makarantar Middle ta Kano.

Maitama da abokan takaranshi sun tsaya zabe da shi da tsohon Malaminshi a makaranta, Malam Aminu Kano, wannan zabe ya gudanane a Central Office, wannan abu ya faru ne a shekarar 1954.

Lokacin da aka fadi sakamakon zaben Malamin, zaben ya bada sanarwar cewa Maitama ne ya lashe wannan zaben. Ana fadar haka sai Margyayi Aminu Kano, ya juyo ya cema Maitama, “Ina tayaka murna, saura in kaje kuma ka ba mu kumya.” Maitama ya cema Aminu Kano, “Yallabai wallahi, ba zan ba ka kumya ba”.

Suka kama hannun juna sunka fito tare, wanda sunka fara gamuwa dashi shine Margyayi Ado Bayero, inda ya rike hannun Maitama, ya nufi inda magoya bayan nashi suke, ya ce sun ci zabe.

Yusufu Maitama nada mukamin Danmasanin kano, wanda yake adana kundin tarihin Kano da Kanawa. Allah ya daukaka Maitama a Nijeriya, Afruka da ma duniya baki daya, sannan kuma yana daga manyan mutanen da ake girmamawa a Afruka. Mukaman da ya rike sun hada da Minista, Jakada

Leave A Reply

Your email address will not be published.