hausawa

  • Hotuna: Zinder ta shirya tsab dan tarben Bikin 18 Decembre 2018

    A Jamhoriyar Nijar, kowace shekara Gwamnatin kasa na ware makuddan kudade dan yin aikace-aikace da sunka haɗa da gine-ginen zamani da kwaskwarima birnin da kauye saboda babban bikin ranar da Nijar ta zama kasa mai cikakken yanci daga Turawan Mulkin Mallaka, Faransawa. Wannan shekarar, ranar 18 ga Disamba, Jahar Zinder zata baƙunci wannan biki inda tun bara 2017 ake ta kolliya mai taken “Zinder Sabouwa.” Saboda haka GobirMob ta kutsa ta kawo muku hotunan Sabuwar Zinder ɗin dan ku ba idanuwanku abunci.

    Masana tarihi sunce a Jahar Zinder aka farashi lokacin tana zaman Babban Birnin kasar kafin daga bisani aka tashi aka koma Niamey saboda matsalar ruwa da ta addabi garin Damagaram. An kuma ce Malamai da sunka ga irin bala’in da ake tabkawa a garin na Malamai, shi yassa Damagarawa sunka dage da addu’o’in ba dare ba rana har Allah ya kawo matsalar ruwa da ta sa aka bar garin.

    Anyi na Diffa 2013, Dosso Sogha 2014, Maradi Kolliya 2015, Tahoua Sakola 2016, Agadez Sokni 2017, bana 2108 za’a yi na Zinder, Zinder Sabouwa. Allah yasa a yi lafiya, a gama lafiya.

    Ga hotunan Zinder Sabouwa:






  • Sanarwar taron Gobirawan Duniya wanda Jami’ar Usmanu Danfodiyo zata kaddamar dan karawa juna sani

    Muna farin cikin sanarda ku wani muhimmin taron kasa da kasa na farko(First International Conference) na Gobirawan duniya wanda Sashen Nazarin Larabci da Addinin Musulumci(Faculty of Arts and Islamic studies)Jami’ar Usmanu Danfodiyo Sokoto zata kaddamar dan kara ma juna sani, daga ranar 9 ga watan Yuli zuwa 13. A baya wani sashen jami’ar ya gudanarda makamacin taron na Kabilar Kabawa, daya daga alummar Hausawa dake kewayeda Jahar ta Sakkwato. Za’a yi wannan taron a dakin taro na Jami’ar Usmanu Danfodiyo, University Auditorium.

    Shehunnan Masana Tarihi daga Jami’o’i wajen goma-sha-biyu (12) zasu halarci taron na kwanakki ukku dan gabatarda Tarihin da ya shafi Daular Gobir da Gobirawa; Asalin Gobirawa, Sarakunan da Gobir tayi, Asalin yaren Gobir, Alakar Gobirawa da sauran kabilu makwabta d.s.s wanda aka ma take “Masarautar Gobir, Jiya da Yau: Sauyi da Sauye-sauye- Gobir Kingdom, Past and Present: Transformations and Change.” Masana tarihin zasu zo daga Jami’o’i a Kasashen Afrika, Asiya, Turai da Kasashen Larabawa.

    Ga Sunayen Wasu Manyan Baki da Sarakan da zasu halarci taron:

    SHUGABAN TARO:
    Sanata Dr. Ibrahim Abdullahi Gobir
    Sanata Mai Wakiltar Yankin Sakkwato ta Gabas

    UWAYEN BIKI:
    Maimartaba, Sultan na Tsibiri,
    Alhaji Abdou Bala Marafa
    Jamhoriyar Nijar

    Mai martaba, Sultan na Sokoto
    Dr. Muhammad Sa’ad Abubakar

    KASIDU:
    Prof. Addo Muhamman
    Shugaban Jami’ar Tahoua
    Jamhoriyar Nijar

    Prof. Ila Maikasuwa
    Tsohon Ministan Ilimi Jamhoriyar Nijar

    Prof. Aliyu Muh’d Bunza
    Shugaban Sashen Ilimiya da Kimiyyar Danadam a Jami’ar Gusau

    MANYAN BAKI NA MUSAMMAN:
    Mai girma Rt Hon. Aminu Waziru Tambuwal (Matawallen Sakkwato)
    Gwamnan Jahar Sokoto

    Mai girma, Abdulaziz Abubakar Yari (Shettiman Marafa, Matawallen Zamfara) Gwamnan Jahar Zamfara

    Mai girma Sanata Atiku Bagudu (Matawallen Gwandu) Gwamnan Jahar Kebbi

    JIGOGIN JAWABI NA MUSAMMAN:
    Prof. Djibbo Mamman
    Shugaban Jami’ar Abdou moumini Niamey, Jamhoriyar Nijar

    Prof. Hakeem O Danmole
    Jami’ar Al-Hikmah Ilorin, Kwara Nigeria

    BABBAN MAI MASAUKIN BAKI:
    Prof. A.A Zuru
    Shugaban Jami’ar Usman Danfodio Sokoto

  • Wani Inyamuri ya caccaki Hausawa kan Sana’ar Fawa, Nafisa Abdullahi ta maida martani

    Wani Inyamuri a kundinshi na kafar sada zumunta ya soki Hausawa inda ya rubuta cewa,duk yanda zata kai ta kawo, gari ya yayi ma Inyamuri zafi bazaka taba ganinshi ya kaskantar da kanshi yana saida nama ba. Inyamurin dan jahar Enugu yasha raddi sosai daga mutane da dama ciki harda Jarumar Kannywood, Nafisa Abdullahi.

    Tauraruwar attajirar Hausa film, Nafisa Abdullahi na daya daga cikin wadanda sunka maida ma inyamurin martani inda ta rubuta mishi cewa, saida nama yafi tare hanya da dare kai harma da rana kiri-kiri(Fashi da makami).

    Wasu sun maida da cewa Sana’ar fawa sana’ace da ta zama sanadiyar arzikin dubban mutane a Kasar Hausa kuma tafi tallar ruwan sanyi, tura baro, saida kwaya, da sauran kaskantattun sana’o’in da Inyamyrai(Ibo) ke yi.

  • Tabbatattun Sunayen Hausawa na Gargajiya da ma’anoninsu

    Hausawa a wurare irinsu Jamhoriyar Nijar, Arewacin Nijeriya, Sudan, Gana da wasu ƙasashe nada wata tabi’a da aka sansu da ita ta sanyama ɗiyansu sunayen annabawa da alayen annabawa, sannan sai nasu na gargajiya na musamman dake biye musu a matsayin suna na biyu ko na ukku. Irin wannan sunayen na gargajiya sun fi ƙamarine ga hausawan dake cikin ƙauyukka ko kananan garuruwa, in aka keɓe takwarorinsu na birane inda wasu ke kallon haka rashin wayewa sukutum, basu san cewa da yawa daga sunayen da suke ɗauka cewa na larabawa ne, ba na larabawan bane a asali. Sunaye irinsu Nuhu (Noah), Ibrahim(Abraham), Dawud, Dauda(David), Idris(Enoch), Imran, Isah, Shammil(Samuel), Hana(Hannah), Yunusa(Jonah) d.s.s ba sunayen larabawa bane kuma basuda ma’ana a Harshen Larabci; Larabawa na misalta sunayen da cewa sunan Annabin Allah wane, amman a harshen Hausa, da yawa nada ma’ana, kasancewar Hausa na daga cikin daɗaɗɗun alƙaryoyin Afrika da suka yi zamani a Yankin Gabas ta tsakkiya a daure ta bakin manazarta harshen hausa.

    Sunayen hausawa na gargajiya ana sanyama yara sabbin haihuwa ko manya bayan sun girma, dangane da yanayin haihuwarsu, jerin yaran a cikin daki da matsayin mutane a gari bayan sun manyanta. A gargajiyar Bahaushe, ana ambatan waɗannan sunayen da “sunayen kakanni” waɗanda sune jigogi a kowane gidan. Duk mai jin hausa na iya gane ma’anar sunayen saboda zurfafan kalaman hausa dake tattare dasu da tabi’arsu dake tattare a cikin sunayen. Kuma har wa yau gungun kabilun hausawa dabam-dabam na amfani da sunayen irinsu; Gobirawa, Tagamawa, Adarawa, Kurfayawa, Cidarawa, Arawa, Daurawa, Kanawa, Kabawa, Katsinawa, Ranawa, Hadejawa, Zazzagawa, Zamfarawa d.s.s

    Su kuma waɗanda suke zaman jakadodin ga irinsu, gidansu, ƙauyukkansu, garuruwansu da jahohinsu na sa sunan cikin sunansu na zane k.m.r Bashir Adamu Gobir, Abubakar Ibrahim Gobir, Aminu Yahayya Sokoto, Nuhu Gobir, Alhaji Adam Rano, Bashir Abubakar Katsina, Malam Kabiru Daura, d.s.s

    Sunayen Hausawa na gargajiya na maza:

    Bizo: Wannan suna ana sa ma ɗa namiji shi wanda aka haifa a ɗaki bayan magajinnai nai na rasuwa. Kamar yadda gargajiyar dake tareda wannan sunan ta bada, yaron da aka haifa a cikin wannan yanayi ana ɗauka tai a kai shi bisa bilbizo a ba iskoki hankuri kuma ana dacewa da sa’a diyan su rayu, wanda shine mafarin da yassa ake kirayassu da suna “Bizo”, kalmar hausa dake nufin wurin da ake zubda shara. Su kuma wanda ba’a kaisu bizo ba ana kiransu “Barau”, bayan cewar “A barshi a gani ko ya tsaya.”

    Dawo, Dandawo: Da namiji wanda aka haifa sanda uwar shi ke kirɓin dawo, abinci dangin gero da ake haɗawa tareda nono a samu Hura.

    Arzika: Ɗa namiji wanda uwar shi ta sha wahalar nakuda ga haihuwarshi kafin daga bisani aka haifai.

    Dawi, Maidawa: Ɗa namiji wanda aka haifa a lokacin da baban shi ya girbe ɗarmin dawa da yawa.

    Gerau, Maigero: Ɗa namiji wanda aka haifa lokacinda baban shi ya girbe damman hatsi da yawa.

    Maiwake: Ɗa namiji wanda aka haifa lokacinda baban shi ya girbe wake da yawa.

    Shekarau: Ɗa namiji wanda uwar shi ta ɗauki ciki nai tsawon shekara guda.

    Ruwa, Anaruwa,
    Makau, Makao: Ɗa namiji wanda aka haifa lokacinda ake shata ruwan sama kamar daga bakin ƙwarya a cikin gari.

    Hankurau: Namiji wanda yakeda yawancin hankuri da mutane a gari.

    Shibkau: Namiji wanda aka haifa lokacinda ake shibka.

    Nomau: Namiji wanda aka haifa lokacinɗa ake noma.

    Sarki: Ɗa mai sunan sarki. Namiji wanda ke da sunan sarki a masarauta.

    Maifari ko Maihwari: Namiji wanda aka haifa lokacin fari.

    Nagona, Nanoma: Namiji wanda aka haifa a gona.

    Bako: Namiji wanda aka haifa lokacinda aka yi baƙi a cikin gida

    Bara: Ɗa namiji na farko da aka haifa bayan magajinnai nai duk mata ne. Bara a hausa na nufin roko kenan roko shi sukai.

    Hana: Namiji wanda aka haifa a cikin gida lokacinda suke zaman makokin mutuwar dan gida ko yar gida.

    Bawa: Namiji wanda ya girma wajen wata macce wadda ba uwatai ba.

    Tunau: Ana iya cewa “Tuni” ma’ana tunowa da haihuwa. Namiji wanda aka haifa bayan uwar shi ta ɗauki tsawon lokacin kafin ta sake ɗaukar ciki.

    Maikasuwa: Ɗan kasuwa ko mai kasuwa.

    Kasu, kasuwa: Ɗa namiji wanda aka haifa a kasuwa ko ranar kasuwa a gari.

    Tanko: Ɗa namiji kanen mata a cikin ɗaki.

    Abara, Abarshi,
    Barau: Ɗa namiji da ya rage bayan magajinnai nai na rasuwa.

    Dangali: Ɗa namiji guda ɗaya tilo da aka haifa a ɗaki

    Jika: Jikan wani. Namiji wanda yakeda sunan jikan wani.

    Babba: Magajin wani ko wa. Namiji wanda yakeda sunan magajin wani.

    Kane: Karamin kanen wani. Namiji wanda yakeda sunan kanen wani.

    Maikudi: Wanda yakeda kuɗi ko dukiya.

    Madugu: Ɗa namiji wanda aka haifa lokacin tafiya ko wanda aka haifa cikin yanayin tafiya.

    Kaka: Mai sunan kakanni. Wanda yakeda sunan kakan wani.

    Tawaye: Kanen tawaye guda.

    Gambo: Kanen yan tawaye.

    Kokari: Mutum wanda yakeda yawancin kokari a gari.

    Adare: Ɗa namiji wanda aka haifa da dare.

    Fari ko Hwari, Jatau: Namiji wanda yakeda fari kamar madara.

    Baki, Duna: Namiji wanda yakeda baki wuluk.

    Nahantsi ko hantsi: Namiji wanda aka haifa da hantsi.

    Agada: Sa-maza-sa-mata. Namiji ko macce wadda take bi ma tawaye.

    Dada: Ɗa namiji wanda uwar shi da baban shi dangin juna ne.

    Kulau: Namiji wanda aka fi so a ɗaki.

    Nagoma: Ɗa namiji wanda yake cikon na goma a ɗaki.

    Bakwai: Ɗa namiji wanda yake cikon na bakwai a ɗaki.

    Auta: Ɗan auta a ɗaki.

    Jigo: Shugaba. Ɗa namiji wanda aka haifa cikin magajinnai mata, kenan ya zamo shugabansu.

    Karami: Mai karamin jiki ko karamin kanen wani.

    Guntau: Guntun mutum.

    Jariri: Ɗa namiji wanda yakeda karamtar gaske lokacin haihuwa.

    Ango: Ɗa namiji wanda aka haifa lokacinda ake shagalin aure a cikin gida.

    Korau: Ɗa namiji wanda aka haifa lokacinda aka saki uwar shi.

    Ɗari: Wanda aka haifa lokacinda ake matsanancin sanyi.

    Kadaɗe: Ɗa namiji wanda aka haifa bayan uwaye shi sun daɗe basu taɓa haihuwa ba kafin daga bisani a haife shi.

    Babangida: Ana sa ma yaro wannan sunan in yanada suna guda da kaka a gida kuma saboda surukai suna jin kumyar faɗin suna sat, sai su laƙaba mai “Babangida”, wato babban cikin gida.

    Sunayen mata na gargajiya:

    Shekara: Ɗiya macce wadda tayi shekara guda cikin cikin uwarta kafin a haife ta.

    Daɗe: Ɗiya macce wadda aka haifa bayan uwayenta sun yi shekaru da dama basu samu haihuwa ba

    Kyawo: Sunan da ake ba macce wadda takeda kyawon gaske a gari. Yarinya ko macce wadda ta razana hankalin maza lokacin tana budurwa.

    Mata: Ɗiya macce wadda takeda sunan matar wani.

    Tanoma: Macce wadda aka haifa lokacin noma.

    Uwani: Mai sunan uwar wani. Ɗiya macce wadda takeda sunan uwar wani ko wata.

    Gimbiya: Mai sunan ɗiyar sarki. Ɗiya macce wadda takeda sunan ɗiyar sarki a masarauta.

    Kadada: Ɗiya wadda uwarta da babanta dangin juna ne.

    Fara or Hwara: Macce wadda takeda haske kamar madara.

    Abarta: Ɗiya macce wadda aka haifa bayan magajinnan ta duk sun rasu.

    Gwamma: Ɗiya macce wadda aka haifa bayan magajinnan ta na ɗaya da na biyu ko ukku duk matane a cikin ɗaki. Gwamma na nufin gwanda da aka haifeta da rashin ta.

    Hakuri: Macce wadda takeda yawancin hankuri da mutane a gari.

    Kyauta: Kyauta daga Allah. Ɗiya ko ɗa tilo da ya rage bayan sauran na rasuwa.

    Rabo, Raboci: Rabo daga Allah, Ɗiya ko ɗa tilo da macce ta haifa a tsawon rayuwarta ta aure.

    Tsakani: Wadda ta zama ta tsakkiyat haihuwa a ɗaki.

    Araga: Ɗiya macce wadda ta rage a gida bayan yanuwanta na rasuwa.

    Yada: Macce wadda aka haifa bayan yanuwanta na rasuwa amman ana wata al’ada dan ta tsaya.

    Tadaka: Ɗiya macce wadda aka haifa lokacinda uwarta take daka.

    Tanoma: Ɗiya macce wadda aka haifa lokacin ana noma.

    Yatsohi: Ɗiya macce wadda uwayenta sun tsufa.

    Delu, Dela, Kando: Ɗiya ta farko da aka haifa a ɗaki bayan magajinnan ta na ukku ko hudu duk maza ne. Kaunar maza ukku ko hudu a ɗaki.

    Hana: Ɗiya macce wadda aka haifa lokacinda yan gidansu ke zaman makokin mutuwar dan gida.

    Samu: Ɗiya macce wadda aka haifa bayan uwayenta sun ɗau lokaci mai tsawo kafin su samu haihuwa.

    Bakuwa: Ɗiya macce wadda aka haifa bayan an yi baki a cikin gida. Manufarsu shine tareda baƙin ta take.

    Kuluwa: Ɗiya macce wadda aka fi kulawa da ita a gida da sauran wasu sunaye da dama.

    Ku sani: Sauran gungun kabilun hausawa irinsu: Kanawa, Katsinawa, Zamfarawa, Hadejawa, Kabawa d.s.s mai yuwuwa nada nasu jerin sunayen na gargajiya ko masu ma’ana guda da waɗannan ko wanda suka sha bambam da waɗannan, dangane da yadda ake gayin su. Waɗannan sunayen an fi samunsu tsakankanin gobirawa, katsinawa, kabawa da zamfarawa.

  • Muhimmancin Sunayen Hausawa na Gargajiya a Gargajiyar Bahaushe

    Dukkanin kabilun Afrika na bakiya da sunayensu na gargajiya wanda suke dauka da matukar muhimmanci dan suna daya daga shaidodin da ake ganesu dasu; bayan tsaga ko tsage, launin fata, abuncinsu na ci, kayansu na sawa, harsunansu da dai sauransu. Kowace kabilar Afrika da zaka iya lissafowa yau iyakar lissafinka nada nata al’adu da aka santa dasu, haka ma abun yake ga sunayen gargajiya da muke bayani game dasu a nan. Hausawa gungun kabilu masu dagantaka da juna da akasarinsu keda mazamni a kasashen Afrika irinsu Jamhoriyar Nijar, Nijeriya, Sudan, Kamaru, Gana, Ibori kos da wasu, su ma ba’a barsu baya ba- sunada nasu sunayen na gargajiya iri daban-dabam da aka faro tun zamani mai tsawo dake cikeda hikima da hangen nesa bisa Gargajiyar Bahaushe da tabi’unsu. Duk da cewa anyi zaman lokacinda wasu ke gani ko tsammanin Hausawa basuda sunayen gargajiya- suna ganin kamar basuda sunayen gargajiya ko kuma sun musanyasu da na Larabawa da gangan, wanda haka ba gaskiya bace.

    Hausawa nada sunayen gargajiya iri daban-dabam- wasu ma zaka yi mamaki idan aka baka ma’anarsu ko asalinsu.

    Sunayen Hausawa masu lakanin “Dan”, “Ta”, “Na”, “Mai” da “Yat”
    Hausawa na hada sunaye da wadannan lakanoni da zasu bada dangantakar mutum da Kakanninshi, Ubanshi, Uwarshi, Uwayenshi, wani bi kamannin mutum.
    “Dan” na nufin dan wani,wata ko karami : Misali da Dangote, Dantata, DanZubair, Dankarami dss
    “Ta” Ma’anarsu daya da “Dan” sai waccen na daukar macce. Tana iya nufin matar mutum: Tahawwa, Tasala.

    “Na” In mutum ko yaro ya girma wurin kakanni nai ko wasu danginsu, to sai ya kasance ana lakabasu da sunayen wanda suka tasa wurinsu tareda wannan bakin. Wani bin yana nufin mijin wata ko wance:
    Nadada, Nasale, Nakulu

    “Mai” na nufin wanda ko wadda aka a haifa a yanayi kaza ko lokaci kaza. Yana kuma nufin aikin mutum ko aikatau:
    Maikudi, Maidare, Maigari, Maigoro, Maiyara

    “Yat” ma’anarsu kusan guda da “Dan” sai dai ita waccan tana daukar mata ko macce zalla:
    Yatsohi, Yattanin, Yatladi,

    Sunayen Hausawa na Annabawa da Alayensu:
    Hausawa na amfani da sunayen annabawa wanda suke kunshe cikin littattafan mu masu tsarki; Attaura, Linjila da Al kur’ani. Hausawa jikokin annabawa ne kuma cikinsu ance anyi annabawa bisa la’akari da cewar masana tarihi da kuma yadda alamu ke nunawa. Tun bayyanar musulumci suke sawa diyansu wadannan sunayen dan neman tubarraki irin na wadannan bayun Allah da suka mai hidima

    Adamu (Sunan Annabin Allah): Ada, Ado, Ade, Adiya.

    Ibrahim (Sunan Annabin Allah): Iro, Ibro, Iroro, Ibra.

    Idirisa (Sunan Annabin Allah): Idi, Idiya, Ide.

    Muhammadu (Sunan Annabin Allah): Hamma, Aman, Ammani, Mammado.

    Usman (Sunan Sahabin Annabi): Mani.

    Jibrila (Sunan Mala’ika): Jibo.

    Umaru (Sunan Sahabin Annabi): U’ma, Umar.

    Balkisu (Sunan Matar Annabi Sulaiman): Balki.

    Haruna (Sunan Annabin Allah): Haro, Haru

    Yunusa (Sunan Annabin Allah): Yanu.

    Abubakar (Sunan Sahabin Annabi): Abu, Bukari, Garba.

    Isiyaka (Sunan Annabin Allah): Isiya.

    Yakubu (Sunan Annabin Allah): Yaku.

    Yusufa (Sunan Annabin Allah): Isu.

    Sulaimanu (Sunan Annabin Allah): Sule.

    Zainabu (Sunan Matar Ma’aiki): Zainu, Abu

    Fadimatu (Sunan Diyar Ma’aiki): Tima, Chima

    A’isha (Sunan Matar Ma’aikin Allah): A’i, Indo

    Salihu (Sunan Annabin Allah): Sale, Sala

    Zakariya’u (Sunan Annabin Allah): Zakari, Yau

    Sha’aibu (Sunan Annabin Allah): Sha’i, Shaibo

    Khadijatu (Sunan Matar Annabi): Dije, Hadiza, Dijangala

    Yahayya (Sunan Annabin Allah): Hayya

    Bilyaminu (Sunan Annabin Allah): Bilya.

    Mika’ilu (Sunan Mala’ika): Mikko. d.s.s

    Sunayen Hausawa na ranakku:
    “Lahadi”, “Attanin” , “Talata” , “Laraba” , “Alhamis” , “Juma’a” , “Assabar” sune sunayen ranakku a harshen Hausa kuma sunada danganci da na Larabci kasancewar Hausa dadaddar alkaryace da ta sha zamaninta a Gabas ta tsakkiya. Hausawa sunada tabi’ar sawa diyansu sunayen ranakku kamar haka:

    Tanin, Danjuma, Juma.
    Dassabe, Danladi, Lado Ladi, Ladidi, Dantanin, Dantala, Dantata, Maitala, Bala, Balarabe, Lariya, Larai, Balaraba, Laraba, Tabawa, Danlami, Lami

    Sunan lakabi:
    Baya ga wadancan akwai sunayen lakabi da abokai ko wari ko tabbashinnai ko kakanni ke lakabama mutum irinsu:
    Zaki, Gago, Gajala, Kwallo, Gagare

    Sunayen sana’a:
    Hausawa suna amfani da sunaye masu danganci da sana’o’insu na gargajiya irinsu:
    Kasu, Kassuwa, Maradi, Makera, Danmakera, Falke ko Hwalke, Maidawa, Dandawa, Maibarewa, Dankura, Zaki

    Sunayen yanayi ko shekara:
    Ana iya haihuwar yara cikin wani zamani a lakabama mutum sunan lokacin dan tunow.
    Maifari ko Maihwari, Damuna, Ranau, Ruwa, Makau da sauransu.

    A kwanan baya munyi wani bayani gameda “Tabbatattun Sunayen Hausawa na Gargajiya da ma’anarsu”,ku shiga ku karanta.

  • History of Ancient Gobir empire and list of her Capitals

    The history of Gobir predates 5,000 years with 1,100 years of migrations. According to the explanations given by the head of the Maradi Institute for Social Sciences (IRSH), Mr. Sani Habou Magagi, If we take from the Eastern origin, the Gobirawa have come from Baghdad. That is to say present day Iraq, which is their first site or first capital. Their 2nd capital is Birnin Kudus in Jerusalem, The 3rd capital is Birnin Gubur in Yemen where they got the name “Gobir”, The 4th is Birnin Karbala in Saudi Arabia, The 5th is Birnin Masar (Egypt in Africa). The 6th capital is Birnin Surukan in Tunisia, The 7th is Birnin Tunasse still in Tunisia (North Africa), The 8th capital is Birnin Bagazam in Agadez, Niger Republic, (West Africa). The 9th is Birnin Aigadasse still in Niger Republic, The 10th is Birnin Tinliguilit in Niger also, The 11th is Birnin Marandat in Niger, The 12th capital is Birnin Toro in Niger, The 13th is Birnin Lalle in Niger, The 14th is Birnin Gwararrame in Niger, The 15th is Birnin Alkalawa in Nigeria, The 16th capital is Birnin Dakwarawa in Niger, The 17th Capital is Birnin Gawon Gazau in Nigeria.

    The 18th capital is Birnin Maradi in Niger (when Jibon Ta’uba branched to pay homeage to his maternal Katsinawa relatives) and the 19th and last capital is Birnin Tsibirin Gobir in Niger Republic. So there were 19 capitals, from Iraq to Niger, within 1,100 years of migrations; It should be noted that with these multiple migrations, the first Gobirawas intermingled with some people they found on the spot.

    According to the explanations given by the head of the IRSH, the capital Tibiri (Gobir) was founded in the 19th century, more precisely in 1835 by Djibon Taouba; Gobirawas founded their 19th capital, Birnin Tibiri in 1835 at the end of the Battle of Dakwarawa between Sultan Muhammadu Bello (the second king of Sokoto after Usman Danfodio his father) and two kings: one of Katsina Maradi, known as Sarki Raouda and the other in Tibiri called Sarki Ali.

    According to Sani Habou Magagi, if we take this genealogical list from the first traditional ruler to the Gobir 380th ruler, Sultan Elhadj Abdourahmane Balla Marafa, we can say that the Gobir’s climax came to fruition during the reign of Sarkin Gobir Bawa Jangwarzo. His fame has reached the four corners of the world. During his reign there was no wickedness and he was the absolute master of the Gobirawas. He prayed for a mysterious secret by which his power was recognized outside Gobir empire.

    The decline of large West African empires or kingdoms began with the Jihad of El Hadj Omar in western Sudan, that of Usmanu Danfodio in central Sudan and the Jihad of Mahadi in eastern Sudan. And it was during the same period, 19th century, that these three (3) Jihads took place. As for the decline of Gobir, there was the Fulani war of Usman Danfodio who targeted the reigning family with his crisis, targeting Sarki Yunfa and his brothers; There were also tribal and civil wars between the other Hausa kingdoms. And at the beginning of the 20th century there was colonial penetration which aided in weakening these great kingdoms in Africa.

  • Brief history of Melodious singer, Umar M Sharif and his first love

    Umar Muhammadu Sharif is one among melodious hausa musicians, a star in the business and multiple award winning actor. The kaduna Rigasa 1987 year born did both his primary and secondary education in his hometown.

    Umar said that he used to be a serious student and also an ardent muslim during his secondaries, what ventured him into singing was an event that occured between he and his first love, as he narrates to BBCHausa.

    One certain day during my youth days, there was one certain girl I extremely loved in our locality, but being a newbie lover I just feels too shy to opens up or engage her in a conversation.

    He continues, after narrating to friends, they advised stretching to their abode and sent for her, which I did. But whenever i got to their house’s gate and sent for her I will slugishly started playing “hide and seek” in fear of confronting her. The girl would come out, looked around but to her surprised can’t meet who she’s told sent for her, by then i was in one corner hiding myself. I did these about three times. So, one certain day, I made up my mind to stand my feet and exprience what will push away Tuaregs turban.

    When I got to her abode as usual, sent for her, but the girl failed to show up, another turm oil, I murtered. How can she, a fellow that plays with her mind severally? I recalled. I kept on waiting there, but nowhere to see her, going through that, at that instant tears trickled down my cheeks and I bursed out singing. I kept on singing on my way to home.

    Umar said he used to sing whenever he recalls that incident, then there was one of his elder brothers friends who happened to be a singer that after founding his talent; graded, appriciated and adviced him of dos and donts in singing. He also helped him in recording his first song back then.

    Umar M Sharif said as of now, he has about 500 songs to his credit and listed; Duniya Ce, Nadiya, Madubi, Jinin jikina, Mai atamfa, Bakandamiya and Babbar yarinya as his most favourite. Apart from being a successful singer, the star is also an actor and film producer based in kannywood. The films he acted or produced includes; Mahaifiyata, Nas, Jinin jikina, Ba zan barki ba, ka so a so ka e.t.c

    The singer while asked about marital status said he was married and blessed with two kids. Few days ago I saw on his instagram handel, posted that he was feeling well after an accident he sustained. DanZubair your fan is wishing you quick recovery from GobirMob.com

Close

Adblock Detected

Please consider supporting us by disabling your ad blocker