Atiku Abubakar

  • Taron Nadin Sarautar Atiku Abubakar- Jiga-jigan Yan PDP sun hallara

    A ranar Lahadi ne aka yi Wankan Nadin Sarautar dan takarar Shugaban kasar Nijeriya, Atiku Abubakar a matsayin Wazirin Adamawa, inda yan siyasa da shugabannin da gwamnoni sunka hallara dan taya abokin aikin nasu murna ga samun wannan matsayin na Wazirin Adamawa. Cikin manyan baki akwai Chief Olusegun Obasanjo, Goodluck Ebele Jonathan, Senator Bukola Saraki, Ibrahim Badamasi Babangida, da dai sauransu.

    Atikun ya bayyana farin cikinshi cewa ba zai manta da wannan muhimmiyar ranar ba. Sannan kuma ya nuna farin cikinshi da halartar taron da tsohon shugaban kasa, Olusegun Obasanjo yayi da sauran jigajigan shugabannin jam’iyar PDP.




  • Ziyarar Taurarun Kannywood Gidan Atiku Abubakar, cikin hotuna

    Taurarun Yan Wasan Shirin Kwaikwayo da Mawakan Hausa masu goyon bayan Dan Takarar Shugaban
    kasar Nijeriya na jam’iyyar PDP, Atiku
    Abubakar sun kai mai ziyara har gidainda
    sunka bayyanashi a matsayin dan
    takararsu.

    A jawabin da yayi lokacin ganawar tasu, Atiku
    ya bayyana cewa, yaji dadin ziyarar
    jaruman da sunka kaimai kuma ya yaba da kokarin da suke yi na ganin ya samu nasara a zabe mai zuwa. Cikin jaruman da sunka kai
    ziyarar akwai tauraru irinsu Abba El-Mustafa, Fati
    Muhammad, Abida Muhammad,
    Zaharaddeen Sani da dai sauransu.

  • Zaben 2019: Ra’ayoyin Taurarun Kannywood, Kwararru, Yadda zasu kai Yan Takara ga ci

    Tun bayan da taurarun yan wasan kwaikwayo sun ka kasu gida biyu, magoya bayansu ke ta tunanin yadda wannan kasuwar tasu zata sa yan takarar da suke goyon baya su kai ga nasara. Ganin yadda a baya 2015 sun hada kawuna dan kai Buhari ga ci da salo irin nasu na nishadi da wayarda kan masu zabe, ya kada Tsoho Shugaban kasa Goodluck Ebele Jonathan.

    Bayanai sun nuna cewa ba’a taba samun adadin jaruman Kannywood da sunka fito fili sun ka nuna alkiblarsu ba kamar a wannan lokacin. Hasalima, tuni manyan jarumai irinsu Ali Nuhu da Adam A. Zango da Fati Washa sunka ziyarci fadar shugaban kasa dake Abuja inda sunka bayyana shirinsu na marawa Shugaba Muhammadu Buhari baya a yunkurin da yake na sake lashe zaben 2019.

    Hakazalika, Jarumai irinsu Sani Danja, Fati Muhammad, Maryam Booth, Mika’ilu Bn Hassan Gidigo sun sha alwashin ganin Tsohon Mataimakin Shugaban Kasa a shekarar 1999-2007, Alhaji Atiku
    Abubakar, wanda ke takarar shugabancin Nijeriya a inuwar Jam’iyyar PDP, ganin ya samu nasara a zaben 2019.

    A tattaunawar da BBCHausa tayi da fitaccen mai ruwa da tsaki a Kannywood kuma Shugaban hukumar tace faifaye ta Jahar Kano, Isma’ila Naabba Afakallah, yace jaruman Kannywood suna da muhummiyar rawar da zasu taka wajen ganin an samu Shugabanci na gari a kasar. Afakallah, wanda ke goyon bayan Shugaba Buhari, ya kara da cewa “Muna da miliyoyin magoya baya wadanda ko ka so ko ka ki zasu yi abunda muke so suyi saboda kaunar da suke ma masana’antar Kannywood: ciki kuma harda zaben mutunen da muke son su zaba.”

    Ga tashi cewar, tsunduma cikin harkokin siyasa da taurarun sunka yi wata alama ce dake nuna cewa sun bar nade hannuwansu wurin sha’anin shugabanci ko da ba za a basu ko taro ba.

    A bangaren fitaccen jarumi kuma furodusa, Falalu Dorayi, ya bayyana min cewa sabanin takwarorinsu na Amurka – wadanda yan takarasu suka sha kaye a zaben Amurka – ‘yan wasan kwaikwayon Hausa suna da magoya bayan da ba zasu kwance musu zane a kasuwa. “Idan ka yi waiwaye za ka ga cewa a zaben 2015 mun yi kira ga magoya bayanmu su fito kwansu da kwarkwatarsu su zabi Muhammadu Buhari, kuma hakan aka yi. “Dan haka ina ganin yanzu ma za a kwata. Bani shakkar amincin da ke tsakaninmu da magoya bayanmu,” in ji shi. Wanda zai cika alkawari kawai zamu sa su zaba’

    Sai dai Mika’ilu Gidigo ya ce duk da yake taurarin yan wasan Kannywood
    na iya sauya alakar masu zabe amma masu kada kuri’a zasu zabi mutumen da suke ganin yana da cika alkawari ne kawai. “Ina so ka san cewa mutane dabam suke. Mu a Nijeriya duk da goyon bayan da masu kallo suke yi muna ba za su zabi wanda bai cika musu alkawari ba. “Idan ka dubi baya za ka ga cewa Shugaba Buhari ya yi alkawuran kawo sauye-sauye amman a zahiri adadin matasan da ba su da aikin yi yanzu ya fi na baya; mutanen da ke
    kwana da yunwa yanzu sun zarta na baya. “Dan haka zamu ba masu kallonmu hujjoji ingantattu wadanda zasu hana su sake zaben Shugaba Buhari a 2019,” In ji Gidigo.

    A yayin da jarumai irin su Adam Zango, ke cewa suna goyon bayan Shugaba Buhari ne ba dan ya samu ko sis ba, sai dan dai kawai ya gamsu da salon shugabancin nashi ne, sannan Fati Muhammad, ke jaddada kiraye-kirayen da take yi cewa tana goyon bayan Alhaji Atiku Abubakar ne saboda gwamnatin Buhari ta gaza kawo sauyin da ta yi alkawarin yi ga ‘yan kasar – masu sharhi sun yi ma batun kallon tsanaki. Ra’ayin masu sharhi Mallam Muhsin Ibrahim, wani masani kan harkokin Kannywood wanda kuma ke koyarda Ilmin wasan kwaikwayo a Jami’ar Birnin Colonge na kasar Jamus, ya ce akwai yiwuwar jaruman Kannywood su yi tasiri kan masu kallonsu wajen zaben shugabanni saboda yanayin wayewa da sanin ‘yancin kai da ilimin Amurkawa daban yake da na ‘yan Najeriya. “Eh, ina ganin jaruman yan wasan kwaikwayo zasu iya sauya tunanin masu kallonsu dan su zabi dan takarar da suke kauna. “Kar ka manta matakin tunani da ilimin masu zabe a Amurka dabam yake da na ‘yan Nijeriya. Yawancin masu kallon yan wasan Kannywood suna yi musu soyayya tamkar bauta don
    haka za su iya yin duk abunda suka sa su.” Sai dai Dr. Daha Tijjani, wani Malami a jami’ar Limkokwing da ke Malaysia, wanda ya rubuta kundin digirin
    digirgir din shi a kan tasirin da ‘yan
    wasan kwaikwayo suke yi wajen sauya tunanin al’umma, ya ce masu kallon faifayen bidiyon masana’antar Kannywood, musamman matasa sun fi yarda da abunda ake kira “Sayen-na-gari mai-da-kudi-gida” ba wai abunda wani dan wasa ya ce suyi ba. Ga tashi cewar, ko da ‘yan wasan kwaikwayo sun bukaci masu kallonsu su zabi mutum ba zasu yi hakan ba sai idan suna ganin zai iya kawo sauyi a rayuwarsu. Gani ga wane Ganin yadda ‘yan fim a Najeriya suka shiga harkokin siyasa ta hanyar nuna goyon baya kara ga ‘yan takara, ga alama za a zuba ido dan
    ganin ko Taurarun yan wasan Kannywood zasu iya sauya akalar zaben 2019, musamman idan aka yi la’akari da cewa takwarorinsu na Amurka, sun ji kumya, sakamakon yadda ‘yan takarar da suka mara ma baya suka gaza kai labari.

    Alkaluman zaben tsakkiyar wa’adin mulki da aka gudanar a Amurka a makon jiya sun suna cewa taurarun yan wasa da mawaka ba su iya yin tasiri wurin ganin ‘yan takara sun ci zabe. Bayanai da dama sun nuna yadda duk da miliyoyin mabiyan da
    wadannan taurari ke da su, basu iya taimakawa ‘yan takarar da suka mara wa baya wurin cin zabe. Misali, har zuwa ranar zabe, Beyonce ta fito fili ta goyi bayan dan jam’iyyar Democrat Beto O’Rourke a zaben majalisar dattawan Jahar Texas – sai dai Sanata mai-ci Ted Cruz ya kada da shi. Hakazalika, Rihanna ta yi kira ga magoya bayanta a Florida su zabi Andrew Gillum

  • Nijeriya: Yan Luwadi da Madigo sun bayyana Anniyarsu ta Marawa Atiku baya a Zaben 2019

    Gamayyar Kunigiyar Yan Luwadi da Madigo da kuma Yan daudun Nijeriya wato Lesbian Gay Bisexual and Transgender (LGBT) sun bayyana farin cikin su da jam’iyar P.D.P ta tsayar da Atiku a matsayin dan takarar shugabancin kasa, kungiyar wadda tuni ta shaida cewa dama sun dade da yanke hukuncin marawa Atiku baya.

    Sun bayyana cewa lokacin Atiku zasu fi samun sauki da walwala dan shi dama ba mai ra’ayin rikau bane kamar Shugaba Muhammadu Buhari. Shugaban gamayyar kungiyar na Afrika ta yamma Mista Victor Lee ne ya bada wannan sanarwar.

  • Saraki da Atiku na kulla-kulla a Dubai dan gano yadda PDP zata kada Buhari

    Dan takarar shugabancin kasa a jam’iyar adawa ta P.D.P Atiku Abubakar tare da kakakin majalisar dattawa Bukola Saraki Da Kuma Shugaban P.D.P na kasa Prince Uche Secondus suna zaman tattaunawa a hadaddiyar Daular Larabawa U.A.E Dubai dan gano yadda zasu kada Shugaba Muhammadu Buhari a zaben 2019. Tattaunawar ta kara hadawa da wasu masu ruwa da tsaki na jam’iyar P.D.P wadanda sunka hada da tsohon Gwamnan Anambra, Mr Peter Obi wanda kuma shine zai marawa Atiku baya a takarar Shugabancin kasa sai kuma Shugaban tsare-tsare na takarar Atiku wato tsohon Gwamnan Ogun Gbenga Daniel wadanda tuni sun isa Dubai din ne a daren Laraba, 24 ga Oktoba.

    Kana kuma tattaunawar zata kara maida hankali ta yadda za’a fuskanci gangamin zabe wanda tuni hukumar zabe mai zaman kanta wato Inec ta sanar da jadawalin fara gangami wanda za’a fara na Shugaban kasa da yan Majalissun tarayya dana dattawa a 18 ga Nuwamba, sai kuma na Gwamnoni a 1 ga watan Disamba.

Close

Adblock Detected

Please consider supporting us by disabling your ad blocker