Kundin Kannywood

Ta tabbata! Adam A Zango gaban Sarkin Zazzau yana ma shi Jawabi kan Dalibai 101

Ganawar Jarumi Adam A Zango da Sarkin Zazzau Dr. Shehu Idris tun bayan maganar dalibai 101, yana gabatarda sunayen daliban – marayu da ɗiyan gajiyayyu su ɗari da ɗaya da an ka ce ya ɗauki nauyin karatun su gaba ɗaya. Maganarda da ta jawo ma shi dubban masoya, wani ɓangare kuma tsokaci da gardama da ba’a rasa ba.

Tun bayan da Labarin biyan naira miliyan arba’in da bakwai (₦47,000000+) da ya watsu a gari, cewa Adam A Zango ya ɗauki nauyin karatun marayu da ɗiyan gajiyayyu su ɗari da daya (101), mutane da dama sun fito sun tofa albarkacin bakin su, wasu kuma sun yi gardama ganin cewa “A illahirin Masana’antar Kannywood wanene mai waɗannan kuɗaden zunzurutunsu.” Masu waɗannan ra’ayoyin sun haɗa da manyan yan jarida da Arewa ke ji dasu, irinsu Bashir Yahuza Malumfashi da Ibrahim Sheme mai Film Magazine – wato Mujallar Fim. Sun fito sun yi ƴan rubuce-rubucen su gameda maganar suna bayyana ra’ayoyinsu irin na aikin jarida. Suna cewa neman suna ne makarantar (Prof Abdullahi International School) take, haɗin kai da jarumin, ganin ya saba irin waɗannan maganganun tun ba yau ba.

Bayan wannan wasu kuma sun tabbatarda abkuwar abun. Mamallakin makarantar da ake magana kan ta wato Prof Abdullahi Uba ya zanta da BBC Hausa inda ya gaskata maganar, cewa da gaske ne dan ba yau ma ya fara yi ba – sababbe ne. Yacce baya son a san yana aikata aikin alherin kar mutane su kushe, sai wanga karon ya bayyana, ƙarshe, ko shi dan wasu masu halin yi su kwaikwaya. Ko aga mutanen Arewa zasu fita daga ƙangin jahilci da tsararrakinsu ke masu gori a kan shi.

DanZubair

I am Abdul-Raheem Zubair by name, Founder- Operator at GobirMob.com. My hobbies are reading, travelling and discovering.

Leave a Reply

Your email address will not be published. Required fields are marked *

WhatsApp Join Group