Shahararrun Attajiran Yan Wasan Kannywood Maza da Mata su 10

0

Kannywood Masana’antar shirin wasar kwaikwayoce ta cikin gida wadda aka fi gudanarwa a harshen hausa a Jahar Kanon Nijeriya. Ta taɓa zuwa ta biyu a gasar baje kolin shirin kwaikwayo ta duniya, maganar bugo yawan shirin kwaikwayo, inda zabaya Bollywood ta Indiya kuma ta zo ta ɗaya. Masana’antar ta tanadi Gwannan ƴan wasa da dama daga kewayen faɗin Arewacin Nijeriya wanda suke masu ƙwazo da azanci, cikinsu waɗansunsu sun yi fice har sun wuce tsara har ta kai ko ina an san su a fadin duniya. Kafar GobirMob.com ta kutsa 1arewa.com ta tattaro goma daga cikinsu wanda suka fi dukiya a wannan shekarar ta 2016 bisa dogaro da dalilai na zahiri. Gasu nan ƙasa ɗaya bayan ɗaya.

10. Aisha Aliyu Tsamiya ce ta zo ta goma daga cikin tauraran attajiran na masana’antar ta kannywood, kyakyawar ta yima kanta suna a masana’antar shirin ta kwaikwayo.

9. Hadiza Gabon ita ce ta zo ta tara daga cikin attajiran kannywood. Ban yi tsammanmin jarumar ga mai kwazo kuma mai taimakawa ta tsaya ta tara ba, ina laifin ta biyu ko ukku?

8. Nafisa Abdullahi ita ce ta takwas a cikin jerin attajiran kannywood kuma ta biyu a cikin jerin mata masu kudi a kannywood. Ta na shirin kwaikwayo na kashin kanta.

7. Sadik Sani Sadik shine na bakwai a jerin wanda suka fi kudi a taurarin kannywood. Yana daga gwannan ƴan wasa da suka samu yawan karramawa a masana’antar.

6. Sani danja shine na shidda a rukunin attajiran kannywood, ya na da Gida a abuja, Ya samu makudan kuɗaɗe a lokacin zaɓen 2011 inda ya riƙa taya shugaban ƙasa yaƙin neman zaɓe a lokacin.

5. Halima Atete ita ce ta biyar a jerin wanda su Ka fi kuɗi a kannywood kuma ta farko a jarummai mata, ta dauƙi tsawon lokaci ta na shirin kwaikwayo da kuɗinta.

4. Mawaƙi Nura M. Inuwa shine na huɗu a lissafin wanda su ka fi kuɗi a kannywood, ya na fitar da kundin waƙoƙi biyu duk shekara, wanda su ke samar da kimanin miliyan 25, Ya kasance ya fi karkata ga waƙoƙin biki wadda bayanai sunka nuna ya na amsar dubu ɗari biyu da hamsin a kowacce waƙa, sannan a mako ɗaya ya
kan rera ire-iren kundin wakokin biyu.

3. Dauda Kahutu Rarara shine ya faɗo na ukku a jerin attajiran kannywood, tun zaɓen da ya gabata, mawakin na siyasa ya mallaki wani gabjejen gida bisa hanyar Zoo Road Kano.

2. Adam A. Zango shine tauraron kannywood da ya zo na biyu cikin attajiran yan wasan kannywood. Ya gama gina wani ƙasurgumin gida a garin Kaduna, dan wasar na amsar miliyan da rabi in aka gayyaceshi a taro kuma ya kan ziyarci irin tarukkan kusan so ukku a wata. Yana amsar dubu dari ukku kafin ya fito a shirin kwaikwayo, kafin da bisani ya ɗaga kudin sama dubu dari biyar na naira. Yana taka rawa a shiri hudu a wata kuma shi jakada ne ga masana’antar sadarwa MTN. Adam A Zango na samun miliyan biyar a wata.

1. Ali Nuhu shine tauraron dan wasa da yafi kudi a masana’antar kannywood. Yanada wani makeken gida da Hotal Garin Bauchi, shi jakadane ga masana’antu kusan bakwai a Afruka. Ya kai shekaru fiyeda 15 yana jan zare a matsayin gwarzon dan wasan kannywood.

Leave A Reply

Your email address will not be published.