Russia 2018: Ronaldo ya kora Maroko gida

Cristiano Ronaldo ya ci gaba da cin kwallo a gasar kofin duniya, inda ya ci kwallo daya tilo da ta bai wa kasarsa damar cire Maroko daga gasar kofin duniya.

0

Hankali ya koma kan dan wasan na kungiyar Real Madrid a filin wasa na Luzhniki Stadium tun da aka fara wasan, bayan kwallo ukun da ya ci a wasan kasarsa na farko da Spain.
Kuma dan wasan ya ba marada kunya.
Kyaftin din na Portugal ya ci kwallon ne a minti na hudu da fara wasan.
Kwallon ta Ronaldo ta saka zakarun na nahiyar Turai a saman rukunin B, kafin Spain ta kara da Iran ranar Laraba.
Maroko wadda ta rasa samun karbar bakuncin gasar kofin duniya wadda za a yi a shekarar 2026 a makon jiya, ta zama kasa ta biyu da aka cire daga gasar ta kofin duniya bayan kasar Masar.

Leave A Reply

Your email address will not be published.