Gargajiya da tabi'u

Karin Maganar Hausawa da wanda akema lakabi dasu a Kasar Hausa

Dukan ƙabilun dake tattare cikin doron ƙasa nada nasu karin magana na azanci da dogon tunani. A yankin Afruka, ana ɗaukan karin magana kamar abun taƙama da tunƙaho, inda zaku ga kowa da kowa na bakiya da nasu wanda shi yassa sunka karkasu zuwa na kasashe da kabilu; kamar yadda mukeda karin magana na Nijeriya, Gana, Kenya,Etopiya, na Hausawa, Yarabawa, Ibo, Yan swahili d.s.s Hausawa, gungun ƙabilun dake yamma ga Afruka, su ma ba’a bar su baya ba ta wannan. Kamar takwarorinsu, Hausawa su ma nada nasu karin maganar masu ma’ana har ba iyaka, wanda za’a ce sun faro tun bayyanarsu; dangane da gogewarsu ta rayuwa, ayukkansu, mazamnansu kuma yawanci a kalaman suna gamawa da sunayen ƙwari, dabbobi, Bisashe, Ayukkan mutane, Itatuwa d.s.s. Karin maganar Hausawa zasu iya karkasuwa zuwa wanda anka sani dasu a gargajiyar Bahaushe kamar yadda aka bayyana ƙasa.

Kafin mu tsunduma ga kakkasuwar, Hausawa na amfani da karin magana wajen bada ma’ana mai zurfi ga hirarsu ta yau da kullum, ba abokan arzuki ko yara shawara da kuma yawanci wajen gardama ko sa-in-sa. Sukan ɓarke zuwa gasan karin magana ko ina kuma ko wane lokaci in ana cikin wari, kasancewarsu mutane masu son zolaya da gardama.

Karin magana Hausa, kamar yadda ake cewa, Hausawa ko masu jin harshen na iya gane abunda ake nufi da zarar an fadi, amman a gargajiyar Bahaushe akwai gungun mutaneda aka sani da yawancin yin karin magana. Gungun kuma sune:

Yan daudu: wannan mutanene da aka sani da halayya irinta mata a mazamnan Hausawa, yawanci komi nasu irin na matane kuma sukan kare kansu da karin magana irin nasu in mutane na shiga gonarsu ko suna ɓacinsu. Amman fa wasu mazane garda-garda da sunka gurbata rayuwarsu, wasu kuma haka Ubangiji ya hallicesu. Yan daudu nada kuma wani bangaren karin maganar irin na batsa wanda suke in sun tashi halinsu. Adamu Gwanja wani dan wasan barkwanci a masana’anrar Kannywood, wanda yake shiri irin nasu.

Kakanni: In mutum ya tasa cikin kakannin zai gane manufata a nan dan masu farin gashi ko attishewa sunka tashi yi sai sun yi karin magana. Mutum in yayi sa’ar wayo cikin kakanni ba yadda zaka ƙwareshi ga iya magana da sallo na magana.

Mata: Mata na ɗayan daga wanda aka sani da karin maganar hausa a mazamnan Hausawa, kamar yadda halayensu suke, mata an sansu dai da tabi’ar yawan ɗumi, gulma, gori kuma suna yawan son zolaya. In ana hirar soyayya, yan matan Hausawa kan kai mutum wata duniya ta daban da karin magana irin nasu.

Fadawa, Dogarai: Dogarai a gargajiyar bahaushe mutanene da aka sani da kirari, har sukan wuce gona da iri. Kirarin da taɗi shine aikinsu a fada ko duk inda sarki ya sa ƙafa ya je.

Maroka: Wannan shahararrun gungun marokane duk da cewa wasune daga cikin ƙabilun Hausa, ba za’a ambatosu nan ba…sun san kanunsu. An sansu da tabi’ar bibiyar lungu-lungu da saƙo-saƙo na kidajen alfarma, suna tada manyan mutane da yan kasuwa da musu fatan alkhairi da danginsu dan a basu na goro. Sun shahara sosai dan ko mutum na cikin ɓakin rai ko ɓacin rai, kalamunsu tak zai iya sa a kara musu bisa wanda anka basu.

Mawaka: Mawaƙan hausa ko na gargajiya ko na zamani na ƙawata waƙoƙinsu da karin magana dan su daɗaɗama masu saurare. Mawaƙan yanzu kamar Aminu Ala, Naziru Ahmed, Umar M Sharif, Nura M Inuwa, Faruk M Inuwa, Husaini Danko d.s.s alal misali

Yan wasan kwaikwayo: Masana’antar shirin kwaikwayo, kannywood a ƙudirinsu na ɗaukaka kyawawan gargajiyoyin hausawa da tabi’unsu, na amfani da karin magana dan ƙawata shirinsu da kuma jawo masoya da mabiya. Nafisa Abdullahi da Maryam Musa (kaunar kyakyawar Margyayiyar nan Balaraba Musa) alal misali.

Rubutun zube: Marubuta hausa kamar takwarorinsu a wasu kasashe na amfani da karin magana dan kara ba saƙonninsu wata ma’ana ta dabam.

Maza: Dattijan mutane a kasar hausa saboda cijewa irin tasu basu kawai bugun gaba da karin magana kamar na bisan sai dai sukan nuna tasu jajircewar wajen tatsunniya in ana cikin wari. Suna karin maganar in buƙatar haka ta taso, wato yayin gardama cikin wari ko bada shawara ga na kasa garesu.

DanZubair

I am Abdul-Raheem Zubair by name, Founder- Operator at GobirMob.com. My hobbies are reading, travelling and discovering.

Leave a Reply

Your email address will not be published. Required fields are marked *

Close

Adblock Detected

Please consider supporting us by disabling your ad blocker