Kundin tarihi

Kakkarfar dangantakar dake tsakanin Gobirawa da Yarabawa

Baya ga ƙaƙƙarfar dangantakar dake tsakanin Gobirawa da Yarabawa duk da cewa ba ita bace ta farko, haka kuma akwai dangantakar amintaka tsakaninsu da sauran kabilu irinsu Zabarmawa (zarma), Bare-bari (kanuri), Garori (Igala), Bachama (Chambawa), Nufawa (Nupe), Abzinawa (Tuareg ko Toureg), Jibalawa (A Kasar Adar, Jahar Tahoua, Nijar), Igbos (Yan kabilar Izza), Buzaye (Berber), Fulani (Kafin Danfodio daga baya ya zamo macijin bakin ƙaiƙai) da wasu.

Lokacin Sarki Sule Dangaladima na Gobir a wancan zamanin, Gobirawa sun yi zamansu a Kasar Yarabawa har sunka yi auratayya dasu. Sunan “Gamba” sunane ga cewa “Gobir” ga Yarabawa kasancewar Bagobiri shine farkon bahaushen da ya taba cudanya da Yarabawa. A yau sarautar Dangaladima itace sarauta ta biyu mafi kima a Birnin Ilorin.

“Ta bakin Sarkin Gobir na yanzu Abdulhamid Balarabe, danganataka tsakaninsu da Yarabawa ta faro tun lokacin zamanin Bawa Jan Gwarzo wanda ya bada diyatai ga aure ga wani Bayarabe lokacin gwagwarmayarshi. Yacce lokacinda Jan Gwarzo ya karasa da rundunatai a Kasar Yarabawa da niyyar mamaye Yamma, sai Yarabawan sunka bada kai wanda yafi su gabza yaki dashi. Ta dalilin haka sai kakkarfar dangantaka ta kara kulluwa dasu kuma sai sunka nemi ya basu diyatai da aure wadda ya basu. A wasar Hausawa ta tabbashintaka wadda Gobirawa ke yi, akwai wasa tsakanin diyan mata, saboda haka, Gobirawa na daukar Yarabawa tabbashinnansu dan suna daukar Yarabawa jikokin Bawa Jan Gwarzo.”


Akwai wani gari a Jahar Kwara Tarayyar Nijeriya mai suna “Gobir” kamar yadda ke akwaisu a sauran Jahohi a Arewacin Nijeriya da Jamhoriyar Nijar. Mazamna garin Yarabawane da sunka yi auratayya da Gobirawa shekarau aru-aru tun kafin yakin Fulani, sanda Danfodio ya aika wani mai wa’azi Alimi can, ya je yayi auratayya dasu sannan sai ya dare musu bisa Karagar Sarauta a Ilorin.

Yorubawa a Ilorin nada wuyar tamtamcewa daga Hausawa, suna tsagar Gobirawa irinta kumce ga gefen hagum da ta Yarabawa a kumcen dama, inda wasu kuma ke yin shatune- shatune guda a bangaren hagum da Yarabawa a na dama (Dan a nuna sunada dangantaka dasu), sunada matuka kama da halaye irin na Gobirawa. Irin wannan tsagar wasu kabilu da suke da dangantaka da Gobirawa a wasu yankunan a bangarorin Nijeriya da Jamhoriyar Nijar. Ko shakka babu, Gobirawane tushen kabilun Hausa kuma kashin bayan Kasar Hausa.

Yarabawa na mutumta Gobirawa matuka kuma suna daukarsu yanuwa, su ma suna daukarsu haka har ma sukan wuce gona da iri wajen daukar duk Kabilun Yarabawa, ko da na Birnin Ikko ne, Ibadan, Osun da wasun sune. Sarkin Ilorin, Alhaji Ibrahim Sulu-Gambari, kasancewarshi mutumin kirki, na tsallake dukan ginshikai ya kaima yan uwanai ziyarar ban girma a Sabon Birnin Gobir. Sarkin Hausawan Ilorin na yanzu ma Bagobirine na Sabon Birnin. Alhaji Abubakar, yanada kuma Sarautar Maji dadin Gobir, Sabon Birnin Gobir, Jahar Sakkwato.

Tags

DanZubair

I am Abdul-Raheem Zubair by name, Founder- Operator at GobirMob.com. My hobbies are reading, travelling and discovering.

Leave a Reply

Your email address will not be published. Required fields are marked *

Close

Adblock Detected

Please consider supporting us by disabling your ad blocker