Tarihi da Siyasar Sardaunan Gobir, Senator Dr. Ibrahim Abdullahi Gobir

0

Sardaunan Gobir, Dr. Ibrahim Abdullahi Gobir haifaffen ɗan Sabon Birnin Gobir ne a Jahar Sakkwato, an haifeshi a 1 ga watan Janairu 1953. Ɗan majalissar waƙilaine a Nijeriya wanda yake wakiltar Gobir/Sakkwato ta gabas a Babban Birnin Tarayya, Abuja, bayan lashe zaɓen waƙilai na 9 ga watan Afrailu 2011 kafin ya sake zarcewa zuwa na karo na biyu a shekarar 2015.

Sardauna nada kwalin Master’s degree kan Ilimin Injiniyar Lantarki daga Jami’ar Detroit University a United States, da kuma kwalin Doctorate degree kan Ilimin na Injiniyar Lantarki da Masarufi daga Jami’ar Abubakar Tafawa Balewa dake Bauchi, Nijeriya. Shi ƙwararren injiniyane wanda ake ɗauka kuma yana ɗaya daga kafar Injiniyoyin Lantarki a Ingila (Institute of electrical engineers UK) da kuma na “Nigerian Society of Engineers” a Nijeriya.
Ya faro aikin shi da Majalissar Sadarwa (Ministry of Communication), daga nan sai ya shiga aiki a Gidan Talabijan (Nigerian Television Authority) a Sakkwato. Ya zama shugaban asusun ƙasa na Union Bank of Nigeria a 2002. Ya kuma taɓa zama Shugaban Taifo Multi Services Limited, Abuja. Kafin shigatai sha’anin siyasa shine Shugaban Cement Company of Northern Nigeria, dake a Jahar ta Sakkwato.

A zagayen farkon zaɓen PDP, Dr. Gobir ya doke Senator Abubakar Umar Gada da ƙuri’a 1,547 ya shige da ƙuri’u 60 kenan. Ya zama zababben waƙili mai wakiltar yankin na Sabon Birnin Gobir, kuma yanzu shine waƙilin yankin bayan sake lashe zaɓen 2015.

Waƙilin ya samu Sarautar Sardaunan Gobir a Masarautar ta Sabon Birnin Gobir a shekarar 2012 kasancewarshi dattijo mai mutane da kuma son mutane. An sha biki a Masarautar inda manyan mutane daga cikin gida da waje sunka halarci taron. Cikin mawaƙa da makaɗan da sunka ba naɗin sarautar armashi akwai Sarkin Waƙa Naziru Ahmad, wanda ya wake Sardaunan na Gobir.

Dalilin wannan bayanin shine ganin cecekucen dake wakana a kafar sada zumunta ta Facebook kan wannan Waƙilin, tsakanin masu kareshi da masu mai koken gyara kayanka. Ga ta bakin ɓangarorin biyu.

Ɓangaren masu ma Sanatan gyara kayanka, akwai wanda ɗayane daga dattizan da ake girmamawa a yankin na Gobir. Yacce a lokacin yaƙin neman zaɓe na karo na biyu har Mota ya aiko daga garinsu Kurawa zuwa Sabon Birnin Gobir, dan niyyar jigilar masu zaɓe da kuma cewar ya ma Sanatan yaƙin neman zaɓe matuƙa da shi da iyalinai. Shi dai abunda yayi tsayin daka garai shine “Mu gani ko mu ji a ƙasa dan hita daga shakku.”
Akwai kuma wani ma’aikaci a Majalissar Aikin Noma, Dattijo yayi koken Gidan sarautar Gobir da ya amso kwangilar ginawa, gini yayi nisa amman an dakatar da ginin inda wanda aka amso kwangilar tare duk an kammala, na Daura da na Rano.

A ɓangaren bayanan masu kare waƙilin kuma akwai na wasu da dama, sai kuma hirar sashen “Siyasa bada gaba ba” da Sakataren Wakilin wato Mai adana kundin bayananshi kamar haka:

A sanadiyar soki burutsun da wasu suke yima Mai Girma Sanata mai wakiltar Sakkwato ta gabas, na lalaben abubuwanda yayima jama’arshi har suna suka cewa bai yi komi ba. Wannan kafa tayi tattaki har fadar Mai Girma Sanata domin gano abubuwan da ya yima jama’arsa. Ga tsarabar da na samo, na yi kiciɓis da mai adana kundin bayanai na Mai Girma Sardauna; Wasu na ganin kamar bai yima jama’atai komi ba? Ko mi zaka ce? ”

SAKATARE: Gaskiya babu adalci cikin wannan magana, domin daga zangon farko ya zuwa yanzu ko ince da fara aikinai a gidan suminti zuwa yanzu yayi abubuwa na taimakama jama’arsa da al’ummar jaha dama ƙasa baki ɗaya. Kamar haka:
1. Ya ɗauki ma’aikata sama da mutum talatin a gidan suminti daga wurare dabam-dabam kuma suna nan suna ci gaba da aikin ba wata matsala.
2. Ya bada tallafi ga matasa da sauran jama’a domin ƙaro ilmi da inganta fannin rayuwa ga jama’a.
A lokacin da yake Union Bank PLC, ya taimaka kamar haka:
1. Ya ɗauki sama da mutum ashirin da biyu (22) aiki wasu suna zama manyan manajoji duk ƴan Jahar Sakkwato, kuma suna nan suna ci gaba da aikinsu.

SIYASA: To gashi kafaɗa mana gudummuwar da ya bada kafin ya shiga siyasa to mi zaka ce a zangon farko na zamanai Sanata?

SAKATARE: Dr. Gobir, to duk da yake baya son ya faɗi ayyukan da yayi na alheri don duniya ta ji, amman da yake kuna son ku sani zan faɗa muku inshaAllah. A dafa a daka sai kalwa, ƙwararran naka yaci gaba kamar haka:
1. Gaskiya yashiga siyasa da niyyar kyakyawa da nufin ya taimakama jama’a. Ya fahimci jama’arsa manoma ne sai ya fara taimakawa fannin noma, ya samar da injinnukka ga jama’a sama da dubu goma domin inganta aikin noma, haka ya gina rijiyoyin murtsatse sama da dubu ukku ga waɗanda basu da shi.
2. Haka ya kula jama’a suna da lalura ta jirga-jiga ya samar da babura sama da dubu uku (3,000) ga jama’a domin saukaka masu wajen neman abin kalaci.
2. Haka yaci gaba daga inda ya tsaya wajen tallafin karatu SCHOLARSHIP ga dalibai, shima ya taimakama akalla sama da yaro ɗari takwas (800). Wasu sun gama saura na ci gaba da karatu. Kaga ya kamata a yi mai adalci.

SIYASA: To gashi yana ta ayyuka amma ana kushe mai. Shi yassa bahaushe yake cewa “Dankali ana cinka ana kushenka.” To ko akwai wani fanni da yaci gaba da taimakawa?

SAKATARE: Kamar yanda na gayamaka ba zai daina taimakama jama’a ba har ya bar duniya matuƙar yana da dama kuma ya gaya muna wannan tun bai zama Sanata ba.
3. Ga gidan Sarautar Gobir yana ginawa wanda zai lashe maƙuddan miliyoyin Naira, shi ba aikin alheri bane?
4. Ya sa an ɗauki ƴan sanda sama da ɗari da talatin (130) shima wannan ba alheri bane? Tirƙashi yaro idan baka tashi tafiya ba zamna gaskiya, tafiyar Dr Gobir tayi nisa.
5. Ga maganin cutar Sankarau shima ya kawo a Jihar Sokoto na miliyoyin Naira domin tallafawa ga marassa lafiya masu fama da cutar sankarau.

SIYASA: To gashi ana cewa a Sanate ba wani sanata da yake rawa irin wadda yake takawa, wajen yawan bills da kuma samun wakilci na gari?

SAKATARE: Gaskiya yana iya kokarinsa domin ba wani Sanata da ya fishi yawan bills, domin ya kaddamar da bills guda tara.
1. Ya kaddamar da bill domin ragema al’umma raɗaɗin talauci tare da samar da abin yi kuma ya zama doka.
2. Ya kaddamar da bill na inganta sha’anin wutar lantarki. Saura jama’a sai a gaba.

SIYASA: To sai yanzu ku sani. Kuma gashi jama’a na kukan wasu da ya fito karamar hukuma ɗaya da su sun riƙa mukamai na daraktoci amman basuyi komi a garuruwansu ba?

SAKATARE: To kasani shi dattijo ne ba zai koma baya ba yana ambatar wanda yake kasa dashi, amma maimakon hassada suma su fito su fadi irin tasu guddumuwa.

Da ƙarshe muna sa ran ɓangarorin biyu zasu gyara tsakaninsu dan ƴan karin magana na cewa, “ko hannunka ya ruɓe ba zaka taba yankeshi ka yadda ba”, sai in ya zama dole. A bar zagi saboda siyasa, dan Uba na kowane. Muna kira ga mai girma da a gaggauta cigaba da kammala aikin Ginin nan dan kammaluwatai cigabane ga siyasatai.img data-src=

Leave A Reply

Your email address will not be published.