Gatanar Hausawa da Gargajiyoyinta a Zamanin Daure

0

Hausawa a zamanin daure, wato sanda babu kayayyakin shaƙatawa irin na zamanin yanzu, yawanci da maraice ko kafin a shiga kwana, bayan an ci abincin dare kenan bayan an babbarƙe awazzai, so da yawa ƙananan yara, balagaggu kai har da manya sukan tattaru ƙarƙashin inuwar icce ko farin wata: zamne ga kututturun icce, tabarma ko ga ƙasa kunnuwa kashe yayinda kaka, magajiyai ko ƙananun uwaye suke bada gatana. Ƙananan yara ne suka fi tara mutane dan gatana a gungun hausawa, “Tanko! Uwani! Kadaɗe! kadada! Magajiya na bada gatana…” Sanda suke sanarda warinsu cikin murna da farin ciki

Gatanar hausawa an fi badata ne da maraice ko da dare dan ta bakin yardar hausawa, mutane ɓacewa suke zuwa wata duniya in sunka saurari gatana ko sunka badata da rana ƙiri-ƙiri. Yau, dokokin ba’a cika kulasu ba, hausawa yanzu na shaƙatarda kanunsu ko da da ranane ba tareda tunanin ko zasu ɓace zuwa wata duniyar ba, in anka keɓe tsofaffi ko dattizai wanda har yanzu suna kiyaye dokokin.

Gatanar hausawa cike take da abubuwan koyi na rayuwar yau da kullum. Da ƙarshen kowace gatana, mai bada gatanar yakan tambayi masu saurare abubuwanda sunka koya daga gatanar. Kakannin mu suna amfani da ita a matsayi abubuwan koyama ɗiyansu kyakyawar tabi’a a wancen zamanin.

Gatanar hausawa kamar shirin kwaikwayon zamani na haɗawa da mutane, ƙwari, dabbobi, bisashe, namun daji, halittar doron ƙasa, abubuwa marar rai, wanda shi yassa ta karɓu ga ”Kannywood” masana’antar shirin kwaikwayon hausa dake Jahar Kanon Nijeriya a matsayin kayan aiki da kuma makarantu.

Gatanar hausawa kamar na wasu afrukawa, an gadesune daga kakanni zuwa kakanni kuma tun shekara da shekaru suke shan guga ga kanun mutane, amman yanzu an bugasu ga littattafai kuma yawanci an fi amfani dasu a masana’antar shirin kwaikwayo “kannywood” a matsayin kayan aiki da fassarasu dan amfanidasu a makarantu, irinsu Jamhoriyar Nijar da Nijeriya.

Da fara kowace gatana, akance, “gatanan, gatananku, ta je ta dawa, wannan gatanace game da…” Da ƙarshe kuma a ce, “kunkur kan kusu” dan ƙarasawa a kuma sanardasu cewa gatana ƙirƙirace.

Leave A Reply

Your email address will not be published.