Fitattun al’adu da halaye guda 7 dake tattareda Shanu a nahiyar Afrika da Asiya

0

Akwai ƙayatattun al’adu da tabi’u tattareda waɗannan bisashe ma’abota cin haki da zaku iya samu kusan duk ko’ina a faɗin duniya, wanda asalinsu ya kakkasu danganeda mazamninsu a duk inda suke. Mutane dabam-dabam na kiwon shanu dan abubuwa dabam-dabam, kamo daga fagen magani, noma, gargajiyoyi, al’adu, zirga-zirga da fuska irinta addini. An fi amfani dasu a matsayin dabbobin noma inda ake haɗasu da galma ana ayukkan noma dasu, ababen zirga-zirga in aka gamasu da su kura da karkiya, ana kuma yawan ci da amfani da namansu, madara, caku da wasu abubuwa wanda ake samowa dagaresu. Sannan sai kuma a wasu wurare a Indiya, saɓanin yadda aka sani, Ƴan Hindu na girmama Shanu da fuska irin ta bauta ta addini. Ku cigaba da karantawa dan gano sauran bayanai wanda mai yuwuwa baku sani ba gameda shanu.

Tabi’a irin ta mutane:

Kamar mutane, Saniya na ɗaukar ciki har tsawon watanni tara kafin ta haihu. Bisa ƙaddara, suna haihuwa ba tareda wata ungozuma ta kama musu ba. So da yawa, Shanu na haihuwar ɗiya guda-guda, amman wasu lokuttan tawaye, har da yan hudu kamar yadda kuka gani a hoton dake ƙasa.

Zamantakewa:

Shanu bisashe ne masu kyautata zamantakewa tsakaninsu in suna a garke, suna abota da waɗanda ransu ke so su kuma guji wasu. Basu kaunar kaɗaici. Wannan na ɗayan daga dalilan da ke sasu kuka in sun kaɗaita. Sauran sun haɗa da in an rabasu da ɗiyansu, sanda aka jasu za’a kaisu mayanka a yankasu d.s.s Dabbobine masu tunanin gaske.

Labarin halitta a Afrika:

Ta bakin kundin labarin halitta a Afrika, Fulani sun yi imani cewa dodonsu Dondori ya halicci mutum na farko daga ɗigon madarar saniya. Wannan ya abku ne lokacinsu na jahiliya, duk da cewa har yanzu akwai Fulani wanda basu musulumci.

Wasan Hawan Kaho:

Rumzawa ko Ƴan Rumji, dangi Gobirawa wanda sana’arsu ta gado ita ce yanka da saida naman bisashe suna wata wasa wadda ake kira Hawan kaho ko Wasan Rumji. Ita wasar an fi yin ta lokacin bukukuwan Sallah, wasannin Rumzawa ko duk lokacinda aka bukaceta.

Gargajiyar Aure:

A al’adar Fulani, Fulani makyaya na wata al’adar aure kafin su aurarda ɗiya ga manemin aure. Iyalan Ango na bada Saniya ga yan gidan Amaryar dan tabbatarda wannan al’adar.

Alamar dukiya:

A gargajiyar bahaushe ana ƙiyasta wanda suka fi kuɗi gwargwadon yawan shanun da ke garesu, gamida wasu dukiyoyin. Ana kyayasu a garken gida inda yara ke tariyarsu su kai daji, amman in sunka kai wani adadi, ana kaisu ga Fulani wanda daɗaɗɗar sana’arsu ce ta gado.

Bauta a kasar Indiya:

A kasar Indiya, Yan Hindu na girmana wasu Shanu wanda suke kira masu tsarki saɓanin yadda aka saba. Suna neman albarkaci daga waɗannan shanun da wasu al’adu. Suna gina gumaka dan girmama waɗannan shanun bayan sun mutu. Kuma basu cin naman shanu.

Leave A Reply

Your email address will not be published.