Kundin Kannywood

Abun koyi: Abubuwanda suka sa Adam A Zango ya dakatarda shirin kwaikwayo

Kwanakki Shahararren Jarumin nan na Kannywood, Prince Adam A. Zango, ya sanarda dakatarda shirin da yake na kwaikwayo zuwa karo karatu a wata sanannar Jami’a. Hakan ya biyo bayan yadda wasu ke mai kallon jahili, wannan yassa ya ƙudura a zucciya cewa babban burin dake gabanai yanzu shine ya ƙware wajen iya magana da harshen Turanci.

Adam na ɗaya daga attajiran masana’antar shirin Kannywood; yana gogayya da shararrun jarumai irinsu Ali Nuhu, Nura M Inuwa, Dauda Kahutu Rarara da sauransu. Amman ya dakatarda sana’ar ne na ɗan wani lokaci dan ya je ya ƙaro karatun boko a wata sanannar Jami’a.

A yanzu haka dai jarumin ya ɗauki malamin da yake ba shi darussa a gida, kafin ya koma makaranta dan cigaba da karatun.

Ga cewarshi a BBC Hausa:

“Yanzu haka na kammala sakandare kuma ina son cigaba da karatu, ko da zuwa matakin diploma ne. Abin da nake so shi ne na iya Turanci sosai.”

Sai dai wani abu da Adam ya ce yana ci mai tuwo a ƙwarya shine yadda wasu ƴan boko suke mai kallon jahili duk da cewa yayi karatun bokon sannan kuma yanada ilimin addini.

Batun ilimin boko ne dai ya taɓa sa Zango ya hauda wani habaici a shafinshi na Instagram da bai yima wasu ƴan bokon daɗi ba, abunda har ya sanya jarumin yayi da-na-sani aikata hakan.

Tags

DanZubair

I am Abdul-Raheem Zubair by name, Founder- Operator at GobirMob.com. My hobbies are reading, travelling and discovering.

Leave a Reply

Your email address will not be published. Required fields are marked *

Close

Adblock Detected

Please consider supporting us by disabling your ad blocker